महाराष्ट्र सुवर्ण जयंती नगरोत्थान अभियान (MSJNMA)

राज्यातील “ड वर्ग” महानगरपालिका, सर्व नगरपरिषद व नगरपंचायत या नागरी क्षेत्रामध्ये पाणी पुरवठा, मलनि:स्सारण, रस्ते विकास अशा स्वरुपाच्या सुविधांचा विकास करण्यासाठी राज्य शासनाने सन 2010 मध्ये महाराष्ट्र सुवर्ण जयंती नगरोत्थान महाभियान ही राज्य योजना अंमलात आणली. या योजनेच्या कार्यपध्दतीमध्ये 2014 मध्ये काही मुलभूत सुधारणा करण्यात आल्या. त्यानुसार याबाबतच्या 2014 मधील धोरणानुसार सदर योजना अंमलात आणण्यात येत आहे.

वित्तीय आकृतीबंध :- या योजनेंतर्गत पात्र नागरी स्थानिक स्वराज्य संस्था व त्यांच्याकरीता राज्य हिस्सा व नागरी स्थानिक स्वराज्य संस्थेचा हिस्सा याबाबतचा तपशील खालील तक्त्यात दर्शविला आहे.

प्रकल्पांचा गोषवारा :- 2010 मध्ये सदर अभियान अस्तित्वात आल्यापासून आतापर्यंत रुपये 16443 कोटी किंमतीचे एकूण 296 प्रकल्प मंजूर करण्यात आले आहेत. त्यापैकी रुपये 3,587 कोटी किंमतीचे 66 प्रकल्प पुर्ण झाले असून रुपये 12856 कोटी किंमतीची उर्वरीत 230 प्रकल्पांची कामे प्रगतीपथावर आहेत. प्रगती पथावरील प्रकल्पांचा क्षेत्रनिहाय तपशील खालीलप्रमाणे आहे.

महाराष्ट्र सुवर्ण जयंती नगरोत्थान महाभियानासाठी मागील तीन वर्षातील अर्थसंकल्पिय तरतुद.